SKETSA
(by nimasgaluh)

Biang patamorgana meliuk indah dihembus angin malam penuh mimpi

Berpendar mencari cahaya dalam kegelapan

Nun jauh di sana sampan melaju pelan mengarungi ombak

Mencari tepian yang kian terlihat bias

Sang dewi malam mengurai senyum tanpa makna

Lunglai  sudah asa tertimbun

Dari helaan nafas mengulum sejuta harapan

Mengalir bagai derasnya hujan

Gunung tinggi terbentang tanpa bisa mendakinya

Hamparan ilalang di bawah menjadi rumah tak bertuan

Kupeluk angin semilir membelai alam bawah sadar

Petikan kecapi mengundang seruni menari-nari

Memberi kehangatan alam di tengah riuhnya burung berkicau

Kerlingan si mata elang mengintip sang induk

Mata rantai penabur benih

Kudecakkan kagum akan keagunganMu

Kugapai indahnya rona pelangi mewarnai keinginan

Menghambur hilang meninggalkan ruang tak berjejak

Peri kecil berjalan lemah gemulai menyiratkan hati penuh rasa

Menggenggam bayang mengejar sang bijak bestari

Berpacu dengan waktu berkelindan tanpa ujung

Sebuncah angan menembus awan di kehampaan

Menorehkan hasrat ruang dan waktu

Burung terbang mengepak sayap manis

Mencari sangkar tempat bernaung

Kugantung asa meredam pesona

Berlomba  dalam temaramnya purnama

Yang  terhalang mendung kerinduan 

Tembang kidung peluruh hati menggugah indah alam nirwana

Terpukau  menyengat sadar memantik gelora

Menikam emosi dalam pusaran

Berkeping-keping menjadi patahan  diterpa musim berlalu

Bunga ros indah memandang

Berdendang melantunkan kerinduan mendalam

Menyelinap dalam bongkahan ambisi dan ego

           Terpenjara arus tak berdaya menghempas karang tak bertepi 

            Bayang itu tak luput menerka rasa terpendam

Menghujam ke lubuk hati dan bersemayam

Menjangkau rindu menyeruak dalam desiran angin

Namun … terbelenggu tak berdaya

Bagai merpati hilang sayap

           


      

IMPENAN NYI PUTRI

Dina hiji sore wanci tunggang gunung.

Lungsur ti kaputren bari disarengan ku Nyi Dayang, angkat ngajugjug ka hiji tempat nu pinuh ku pepelakan kembang. Nyi Putri nyarios ka Nyi Dayang nu disebut Ema, lantaran nya ieu pisan nu ngasuh manehanana ti leuleutik jadi  ngarasa asa ka indung pituin, basana teh : “ Ema, tadi peuting kuring teh ngimpi, panggih jeung hiji nonoman gandang ngangkenna ti palih wetan, neundeun harewos ka Nyai saurna teh, Nyai bade didamel pupujan mustikaning ati”. Nyi Dayang bari ngalenyepan naon nu dicaritakeun ku Nyi Putri, dina hatena ngagerentes ( boa-boa ieu Nyi Putri teh kabengbat ku nonoman nu aya dina ngimpina, beu…tiwas atuh kaya kieu mah ) sarta terus nyarita ka Nyi Putri : “ Euleuh…euleuh Enden ngimpen teh bet ku aheng, eta nonoman teh ngangkenna ti palih wetan , palih wetan mana Enden ? “ . “ Puguh teu nyebatkeun ti mana-manana, ngan dina anggoanana mah eta nonoman teh siga pupuhu nagari, Ema “

              Teu karasa nu galuntreng sajeroning leumpang teh geus anjog ka nu dijugjug nya eta ka hiji palataran anu lega, eta palataran teh teuing ku resik, da asak ngurus, matak betah tumaninah anu keur ngaso, sarta loba rupa-rupa kekembangan anu dipelak. Kembang congkok anu warna bungur harita keur mangkak paselang jeung kembang malati anu sarua keur marakbak, atuh karasana seger kaambung seungit ngadalingding nyambuang ka sabudeureunana.

 Nyi Putri teras calik andeprok na handapeun tangkal bungur anu liuh, Nyi Dayang ge teu tinggaleun nyarengan putra asuhna pok nyarita ka Nyi Putri : “ Enden teu kenging janten emutan, eta mah mung saukur ngimpen “. Nyi Dayang harita muka obrolan, tayohna hariwangeun bisi kumaonam sarta ngagerentes na hatena (Keur geulis teh aya ku andalemi ieu wanoja, saha atuh anu teu reueus kana pribadi Nyi Putri, sanajan putra menak tapi ka somah teu weleh someah, matak bagja upama aya nonoman kabiruyungan). Nyi Putri mairan  pangasuhna sarta pok nyarita : “ Ah, ari teleb mikiran mah henteu Ema, ngan rada panasaran  “,  Nyi putri nyariosna bari ngelemes da katohyan naon nu  dipikiran ku dirina.

Waktu nyerelek ka sorenakeun teu karasa geus wanci sariak layung, Nyi Putri jung cengkat tina calikna, langgeor angkat deui muru kaputren, Nyi Dayang ngiclik ti tukangeunana.

Lalangse muka, bray hiji palataran anu lega, Nyi Putri neang kembang Malati karesepna, teu karaoseun ti pengker aya nu nuturkeun, teu pati lila Nyi Putri ngalieuk siga nu terus rasa, barang breh duanana pateuteup-teuteup, teuteup nu ngandung wirahma tresna, sumarambah rasa misuka nyaliara pada-pada kapigandrung.

Sanggeus leler duanana tina rasa anu aheng, pok eta nonoman gandang teh nyarita : “ Haturan…  wilujeng tepang deui, sumangga linggih, mugia salira betah di ieu patempatan, pun Engkang kalintang bingahna”, bari teu weleh paneuteupna napel kana pameunteu Nyi Putri. Nyi Putri dipelong kitu teh atuh jadi samar polah bari hate dagdigdug teu puguh rarasaan,  ketug jantung ngadadak ngagancangan, aduuuh alah ieung na kunaon kuring teh gerentes hatena. Galindeng Nyi Putri ngawalon panaros nonoman tea : “ Aeh-aeh…Engkang hatur timpah nuhun parantos ngangken ka jisim abdi …nun wilujeng tepang anu kadua kali, hapunten jisim abdi culangung wantun ngalanglang ieu patempatan”. “ Teu sawios-wios malih Engkang nu kedah ngahaturkeun nuhun ka salira nu parantos keresa linggih, namung Engkang teh banget panasaran saha atuh salira teh? Ti ngawitan Engkang tepang munggaran sareng salira engkang ngaraos

 asa aya anu ical tina raga Engkang, nyatana salira Eulis ku anjeun, hapunten Engkang tos beber rahasia ka salira”. Eta nonoman gandang teh nyarios satarabasna naon nu dikemu dina rasana ka ieu wanoja.  Nyi Putri gumujeng ngaraos kayungyun ku kajujuran ieu nonoman, ceuk pikirna,” ieu kitu nu bakal mayungan tur mere warna dina kahirupan dirina teh?”

Nonoman gandang teh teras ngajak ka Nyi Putri ka hiji tempat nu aya di eta patamanan sarta disina calik dina batu lemprah nu geus disadiakeun ti anggalna.  Sanggeus tumaninah calikna pok Nonoman teh sasauran deui basana kieu : “ Sanaos tepang teu acan lami, Engkang bade wakca balaka seja nyimpaykeun kaheman ka salira, salira bade dianggo jimat mustikaning ati pun Engkang bawiraos salira nampi kana katunaan diri Engkang, namung sateuacanna pun Engkang hoyong nguping salira nyebat jenengan supados Engkang teu janten panasaran “.  Nyi Putri nu harita calik andalemi gugon kana piwejang sepuh, ngawalon panaros : “ Upami Engkang percanten,  hoyong uninga nya wasta abdi, sumangga teuing jisim abdi moal sumput salindung, ngenalkeun…nun jisim abdi teh pun Citraresmi ti nagri Galuh “.

Sakedapan eta nonoman gandang  nu taya lian  Raja anom Majapait ngarenjag sataker kebek, salila ieu dirina micangcam hiji lukisan di antara lukisan-lukisan nu lian. Eta lukisan teh nya eta lukisan Nyi Putri ti Karajaan Galuh anu gaduh jenengan  Dyah Pitaloka Citraresmi anu ayeuna aya di hareupeun dirina anu leuwih sampulur ti batan lukisanana. Rasa nu aheng teh mingkin nyaliara ka sakujur awak mapay urat syaraf mawa duriat  ka Nyi Putri, sanajan bari teu kaampeuh nandangan liwungna rasa masih aya karisi tur karempan kana papagon nu nyampak, teu pati lami pok sasauran sarta panangan Nyi Putri diteueulkeun kana dadana  : “ Eulis mustikaning ati Engkang,  siang wengi  longkewang neundeun hariwang ka salira boh bilih aya nu ngewat deungeun, tada teuing Engkang baris gering nangtung ngalanglayung ngemutan salira, salami ieu Engkang micangcam salira saprak urang tepang munggaran di ieu tempat,  upami teu kaabotan iraha atuh urang sakarembong bari nampi ijab Kabul?”.  Nyi Putri ngaraos helok kana kasauran eta nonoman teh, dihenteu-henteu ge dirina teh sarua pada neundeun rasa asih, micinta, tur misuka ka eta nonoman, ngan kawatesan ku kaayaan diri sabage wanoja, sanajan hatena sarua misono ka ieu nonoman tapi teu nembongkeun semu, ngan bareng jeung galindengna eta nonoman wakca ka dirina, Nyi Putri ngadon katuralengan inget-inget soteh ku Nyi Dayang ditanya  : “ Uluh-uluh Enden ngimpen naon deui meni kanjat kagundamkeun ?”.

                                                                                                 (written by nimasgaluh 2012)

.

KEMBANG SOCA KADATON SURAWISESA

Kembang Soca Kadaton Surawisesa

Muka tutungkusan carita Pasundan di tatar Galuh, sangkan euyeub na versi sewang sewangan, meunang nyiaran, nyaliksik ti saban nagari, malikan  paguneman, noel carita,  nu geulis boga asma Diah Pitaloka.

Karajaan nu pinuh ku karaharjaan, ayem tengtrem,  sugih mukti,  dipirig dangiang nu mangku kaprabon, beh wetan di tatar Pasundan.  Leuleunjeur ajeg Galuh nu kaseundeuhan para luluhur, nyekel pakem silih ajenan, sangkan waluya sakabeh rahayat, salaras kiceupna dina uga punjungeun gelar linuhung, tapak karuhun nu luhung kaguyur anugrah jucung.

Wanci haneut moyan nyuaykeun ibun, Prabu Lingga Buana nitrenan sagegebeng karaton, leumpang anca dibarengan  Uyut Leuit ka beh kaler, ngaliwatan wangunan kaputren nu dipager awi tunjung, paselang runggunuk kembang malati, kaambung seungit ngadalingding.

“Uyut, pantesna dipelakan kembang Congkok nya,  hareupeun kamer Nyi Ayu Diah Pitaloka teh?” Sang Prabu naros ka Uyut Leuit bari ngarandeg.

Uyut Leuit milu ngarandeg, terus nempo ka hareupeun kamar Nyi Putri, “ Sumuhun Gamparan, pantes nyurup kana rupa bilik kamer, komo pami ditambih ngamparna jukut rane mah deuih!” Harita Uyut Leuit ngawalon.

“Kula teh, lain rek muji sorangan, ieu mah banget ku reueus Uyut, nyaah ku someahna, asih ku andalemina, Nyi Ayu Citraresmi puputon kami, kula sok rempan sieun inyana katideresa, ingggis ku bisi.” Sang Prabu nyariosna semu ngalimba.

“ Aeh-aeh Gamparan mah sok ka mana bae ari sasauran teh!” Uyut Leuit nempas sapadaharita, bari terus ngagalantang deui nyarita, pokna : “ Si Eulis nu amis budi mah, bakal ngahibaran ieu kadaton, mawa waluya ka rahayat, ulah rempan ulah inggis,  Gamparan!”

Sang Prabu teras nyarios deui :” Mangka kitu Uyut, Si Nyai kudu nyangking atikan surti, mibanda pakaya elmu panemu, sangkan ajrih dina ngambah kahirupan,  nu pinuh ku tarahal jalan sorangeun. Kula teh boga maksud Si Nyai rek diungsikeun ka hiji padepokan, inyana sina diatik, diaping bagbagan kahirupan.”

Uyut Leuit kagugu ku cariosan Sang Prabu bari terus ngawalonan : “ Sae pisan eta kamandang teh Gamparan, Nyi Ayu mah da calakan, pada mikaresep,  geura moal teu ditampi ku Sang Wiku, komo ieu mah kembang Kadaton, pigadangeun prameswari agung.”

“Ku kituna Uyut, mangka gentraan si Nyai, diangkir ka Padaleman, Kula hayang papanggih,  geus asa dina juru mata.” Sang Prabu nyarios bari melong leleb ka Uyut Leuit.

Uyut Leuit surti tuluy ngawalon : “ Mangga Gamparan, tinangtu ku uyut Nyi Ayu diistrenan ka Padaleman.”

Harita Sang Prabu  teu kebat ka Kaputren, ngadon nguliwed ngaler, jog anjog ka hiji kulah leutik,  nu caina herang canembrang, breuk anjeunna calik na batu nu  lemprah handapeun tangkal teureup bari ngadaweung. Uyut Leuit teu ingkah, inyana terus marengan Sang Prabu, hariwangeun pedah tara-tara ti sasari, nempo ulat asuhanana kitu peta. Uyut Leuit bari rada ngaharewos, pok nyarita ka Sang Prabu : “ Gamparan teu kenging seueur emutan, Nyi Ayu mah wanoja atikan ingkang ibu, buktosna teu pedah terah kusumah, ka sing saha teu weleh tumanya tur handap asor, kayungyun murangkalih teh, asa hese mendakan nu sami sareng  Nyi Putri mah, estu ieu mah kembang soca kadaton Surawisesa, budi parangi nurun ti tuang ibu, lungguh timpuh andalemi bari calakan, nyarios kewes pertentang mawa komara, sigana mun pareng jeneng nyakrawati ieu dayeuh teh bakal kaseundeuhan rahayu, nerap bagja balarea. Sanes bade ngalem da ieu mah kabuktosan.”

Sang Prabu ngareret ka Uyut Leuit neruskeun obrolan :”Ah, Uyut ngan Uyut nu ku kuring bisa diajak nyarita teh, ieu mah kahariwang jeung kainggis kula ka inyana. Harepan kula, malah mandar si Nyai boga salaki nu nyaah lain pupulasan, piajangeun ngarundaykeun turunan, sangkan ieu Galuh jaya di buana.”

Teu kebat Uyut Leuit nyarita, harita Ki Lengser norojol tanpa larapan, bari sideku ka payuneun Sang Prabu, pok nyarita : “Gamparan, ieu Kadaton teh kasumpingan tamu,  utusan Raja Agung ti Majapahit!”

Hareugeueun nu ngadadak, bari mencrong ka Ki Lengser Sang Prabu nyarios semu teu percanten, pokna : “Nu bener Mamang Lengser, naha enya, aya semah ti nagari anu sakitu jauhna?”

Ki Lengser ngawalon bari pegat-pegat lantaran kasima tara-tara ti sasari Sang Prabu nyarios rada tarik : “ Su…mu…hun… Gamparan.”

Sang Prabu jung cengkat, terus nyarios ka Uyut Leuit : “ Uyut, hanjakal ngobrol teh kapegat, kula rek nemonan heula semah!”

Sang Prabu bari diiring ku Ki Lengser muru pancaniti, hiji tempat paranti narima semah kanagaraan. Teu lila tuluy anjog ka dinya sarta ngagentraan pangawal nitah asup ka semah utusan tea.  

Sang Prabu calik murbayeksa disarengan patinggi karajaan, marentahkeun ka Ki Lengser sangkan semah nemonan kana panyaur Sang Prabu. Uluk panyaur lima semah gentra unjuk salam, Sang Prabu narima uluk salam bari terus cumarios : “Mangga lalinggih sanak baraya, anjeun nu ti mana?”

“Haturan na ucap ihlas sim kuring banget ku bingah kana panampian nu sakitu someahna… Nepangkeun sim kuring saparakanca, jauh dijugjug anggang diteang taya sanes sim kuring teh ti Majapait, sim kuring  piwarangan Kangjeng Raja.” Saurang wawakil semah nyarita.

Sang Prabu sajongjongan ngahuleng na emutanana galecok “…boa boa …dasar nagara nu sarakah ku dunya, ke heula lamun enya rek ngajajah ka nagara aing…” Kitu nu aya dina manah Sang Prabu, nya kitu deui katut para patinggi molohok bari patingrareret. “geura pok kedalkeun naon nu diemban ku anjeun, dasar kana duta ti Raja sampean.”Sang Prabu nalek ka para utusan dina pasemon pinuh ku harisma. Aria Boma pupuhu jagabaya karajaan Galuh milu ngandelan pananya “ Enya geura pok omongkeun naon pamaksudan datang nyemah ka dieu teh?”

Somah ti Majapait nu jadi lulugu diukna ngangsrod ka beh hareup bari tungkul terus ngomong: “ Kangjeng Raja nu dipisanjung kuring moal panjang nu dicarioskeun, mangga ieu, geura tampi seratan dina daun lontar, tawis cariosan Raja sim kuring Raja Hayam Wuruk nu nyakrawati Majapait.” wawakil ti semah ngasor diukna ngadeukeutan Sang Prabu bari tungkul kalayan dua leungeunna ngangkat bari nanggeuy surat tina daun lontar,

Eyang Danu Natapradja sesepuh karajaan Galuh, nu luhung ku panemu, jembar ku panalar, wacis ku harti, jero panenjo, cengkat tina diukna seja narima eta surat nu saterusna didugikeun ka Sang Prabu. Sang Prabu narima surat ti Eyang Danu sarta pokna : “Eyang mangga calik deui…”

Satutas Eyang Danu calik,  Prabu Lingga Buana muka surat lalaunan, breh surat na daun lontar, natrat seratan Raja Hayam Wuruk kalih ditawis oge dicap Karajaan, terus ditingali turta diilo gemet tepi ka rengse. Paroman Sang Prabu ngebrehkeun kabungah tapi teu lila siga ngemu kabingung. Pangeusi kadaton nu keur murbayeksa kabeh malencrong ka Sang Prabu, bari ngadago-dago eta surat diaos malah mandar sadayana uninga kana eusi surat. Ngong aya nu sumaur:“ Rai, pupuhu nagari, papayung sakabeh rahayat, nu wajib dijungjung tur diturut, geura mangga aos eta serat, supaya abdi sadaya uninga kana eusi jeung pamaksadan raja Majapait” Ingkang raka Ngabehi nu gaduh jenengan Dungkut Muntila nu sumanggeum teh.

Prabu Lingga Buana ngadeg tina calikna teras nyarios : “  Dulur-dulur kabeh, kula  ngucapkeun sampurasun ka balarea, nu utama kula nyeluk ka ieu pagempungan, lain wanci lain waktuna, tapi arandika datang nemonan panyaur kula, eta tawis andika mihormat, kana pancen jeung kawajiban,…atuh nu saterusna urang kadatangan tatamu ti nu jauh, enya ti beh wetan ti nagara Majapait. Sakumaha anu geus dipipinyaho ku urang sarerea!“ Prabu eureun heula bari paningalna nempo ka sakabeh nu aya di eta rohangan, terus misaur deui :  “kula ayeuna arek maca ieu surat mangka rareungeukeun masing telik !“ Sang Prabu turun satangga, para patinggi nagari heran, tara biasana Sang Prabu lamun biantara tetep ajeg deukeut korsina, tapi  ayeuna dina arek maca surat, geuning Sang Prabu turun satangga.

“Sampurasun,

Anugrah keur urang Galuh nagara anu sawates ti beh kulon, Kula Hayam Wuruk raja nagara Majapait nepikeun kedaling pamaksudan, nitah duta sangkan mikeun ieu surat. Kula seja mikameumeut tur mikanyaah ingkang putra Kang Pangersa, nyatana nu gaduh wasta Citraresmi Diah Ayu Pitaloka, pikeun dijadikeun garwa ngadeudeul pangeusi kaputren. Mangka kula menta waleran ku digambarna ingkang rai citraresmi putri Kang Pangersa. Kalayan ditutup ieu warkah mugia paniatan aya dina panyambung jadi tali dua karajaan.” Satutas maca surat Sang Prabu calik deui kana korsi, terus cumarios :“ Tah kitu eusi surat teh, cik kumaha ceuk para sesepuh sadaya!”

“ Gamparan, ieu hiji kahormatan pikeun urang sadaya nyatana putra Sinuhun putri nu jadi kembang nagari, rundayan kusumah tatar Pasundan, gurat jeung coretna pinasih siring kayangan, na uga nu pinuh ku kabagjaan. Namung teu kitu, cobi geura angkir incu nu lungguh, wanoja tedak menak, pameunteu mustika kaendahan, pikeun ditaros kumaha jinisna sanggeus ditarosan, urang pada reungeukeun kumaha walerannana.” Uyut Leuit tipayun nu cumarita, dina wanda nu pinuh ku kabungah. “Lain kitu para dulur sakabeh mugia sapamadegan!” Uyut Leuit nalek ka sadayana. Sarerea pada nyatujuan.

Sora kacapi eces kakupingna dina wirahma nu halimpu kalan naek kalan turun disimbutan ngagelikna suling mawa lulugu lagu dangdanggula, dibawa angin ngahiliwir selengseng kaambeu seungit malati, tur dijajap sorot pononpoe nu seseleke nembus runggunukna caringin papak. Langgeor nyi putri sumping diaping pangasuhna teras tedak munjungan ka ibu ramana. ”Mangga calik geulis…..” Sang Prabu miwarang calik. Waktu nu geulis ngalangkung para duta ti Majapait molohok mata simeuteun ningali nu ayu ngalangkung, kataji ku kageulisannana, awak sampulur, sampurna napel na raga bandanna. Sadaya ngembang kadu bari ngagerentes na pikirna sewang sewangan “…na aya ku geulis, estu euweuh cawadeun, lain cenah lain beja sarua jeung seah iburna di Majapait, paingan Panutan kula kuat ngirim surat seja ngalamar. Pantes matak betah nu ningali, poho kana sagala karibed dunya, ituh geura ana imut hate jalma pasti seseblakan…”

“Rama… aya pikersaeun naon nyauran Nyai sanes dina waktosna? Sarengna deui euleuh-euleuh geuning sadaya para sesepuh karempel, ditambih aya semah nu ti palih mana Rama…? Nyai banget ku reuwas. ” Nu geulis Citraresmi naros ka tuang rama.

“Sukur geulis anaking pupujan ati ieu nagari, enggal tumaros, teu kenging reuwas tur gimir. Rama ngangkir salira taya sanes pedah geus tilu kaliwon Nyai nyungsi diri, kumaha cageur?” Sang Prabu malik naros.

“ Aya hibar pangdua ti sepuh sadaya tur  kinasih ti para luluhur Galuh nu ngasuh kana kolbu sumarambah ngaping putra nyatana Nyai, damang teu kirang sawios-wios.” Nyi Putri ngawaler kana panaros ramana.

“Anaking buah hate ama jeung ibu, diangkir linggih lain wanci, diondang datang lain waktuna, taya lian urang sadaya kadatangan semah ti Majapait  mawa surat anu eusina  panglamar ti rajana, nu gaduh ngaran Hayam Wuruk, mileuleuheungkeun hidep, seja dijadikeun prameswari. Ama, ambu oge para sepuh sadaya teu bisa mutuskeun gancang narima, da kaputusan aya di hidep. Anaking …” Sang Prabu liren heula cumariosna, teras neuteup ka putrana, nu diteuteup luk tungkul bari ramo-ramo pananganna ngome tungtung karembong. Sang Prabu nyusul saur: “ Anaking Ama hoyong nguping waleran ti Nyai, heug geura wakca ayeuna…!”

Sakedapan Nyi putri ngahuleng ngaraga meneng nguping kasauran nu janten ramana, manahna galecok antara narima jeung nolak panglamar nu mileuleuheungkeun dirina, hese pijawabeun nu merenah. Sang Prabu surti kana naon nu dikemu ku nu janten putrana sarta pok deui nyarita: “ Anaking teu pisan-pisan Ama bade maksa hidep, ieu mah sakadar  neruskeun pamaksudan utusan semah ka ieu kadaton.”

Dasar tedak menak, asak ku atikan sang Ibu, Nyi Putri bari halimpu ngagalindeng, pok sasauran : “ Ama sembaheun sim abdi di dunya, Ama oge Ambu nu parantos ngurus Nyai ti awit alit tug dumugi ka kiwari, Nyai moal baha piwejang sepuh, Nyai rumaos hiji istri nu masih keneh tebih tina harti jauh panemu, sateuacanna neda dihapunten bilih aya talajak sareng ucap nu  teu sapagodos sareng manah Ama. Dina leresan ieu Nyai ngiringan sapangersa Ama katut sadayana.” Kitu kasauran nu geulis Citraresmi ka nu janten ramana, Atuh Prabu Linggabuana mesem leleb bari sasauran basana kieu : “ Sukur geulis, ari Nyai geus boga kaputusan mah Ama jeung sakabehna moal maksa, l;amun Nyai teu panuju, pameunteu Sang Prabu marahmay, atuh sarerea oge  nu nyaraksekni harita  milu bungah.

Dina waktu anu tangtu tur meunang ngitung paririmbon karuhun, juru gambar kahot kadaton Surawisesa mimiti nembongkeun kaparigelanana pikeun ngalukis Nyi Putri. Dibarengan ku hate deg-degan lantaran loba kapaur sieun nyalahan, juru gambar kalayan tarapti jeung telik, harita  Nyi Putri dilukis dina tilu posisi, pameunteu imut ngagelenyu,  tembong dangiang galeuhna Galuh.

Juru gambar ngarengsekeun eta lukisan kurang leuwih dina waktu sabulan,  balas ku hamtem bae  dipupusan inggis teu sarua jeung aslina. Estu kageulisan Nyi Putri lain cawadeun, bari timpuh andalemi teh ana sasauran matak dedengeeun. Atuh  leungeun Ki juru gambar teu weleh geumpeur tur kaweur saban neueulkeun paragi ngagambarna.

Lukisan Nyi Putri  didangdanan dina pigura, sarta dibungkus ku kaen sutra warna koneng, nu ditaretes sulam  kembang malati. Sang Prabu Linggabuana ku anjeun nu mikeun eta lukisan ka semah utusan tea.

Teu kacatur di jalanna, lukisan  Nyi Putri parantos aya di payuneun raja Hayam Wuruk, kalayan rintih lalaunan bungkus pigura teh dibuka, ana breh katingal eta lukisan nu aya di jerona. Raja Hayam Wuruk sajongjongan ngembang kadu, bari mencrong anu teleb kana eta lukisan. Sakedet netra aya nu nyeredet kana hate nu moal bisa dikobet, sumarambah kana bayah, ratug tutunggulan na jajantung teu kabendung. Nu nyarakseni di dinya bati elekesekeng ngemu kapanasaran, naon nu sabenerna ditingali ku Sang Prabu.

Sumirat sarangenge dina wanci haneut moyan karaos ku Sang Prabu matak nyegerkeun salira, teras angkat teu pati lami jog anjog ka hiji patamanan anu harita katingalna keur marakbak kembang nu ligar. Anjeunna jen ngajanteng paningalina awas ka sabudeureun, ana ret ka tebeh kulon socana ngarijep sakedapan, neges-neges naon anu katingal, bet siga aya wanoja nuju calik dina batu lemprah, eta wanoja teras ngadeg, langgeor  angkat bari kepat eundang ngajugjug ka hiji talaga leutik nu aya di patamanan,  breuk calik andalemi sisi talaga, pameunteu nu ngadaun seureuh teh luk tungkul kana luhur beungeut cai, ramo-ramona  nu lelencop tingborelak katojo cahaya panon poe nyuaykeun cai, teras tamas, teu karaoseun ti beh wetan aya nu nyerangkeun. Sang Prabu ngaraos panasaran saha eta wanoja teh, nya anjeunna teras nyampeurkeun maksudna rek tumanya, siga nu terus rasa nyi wanoja nu nuju tamas teh lalaunan  nyengkatkeun pameunteuna, barang  breh… paadu teuteup… duanana molohok ngembang kadu, masing-masing na dirina sewang-sewangan  pada-pada ngemu rasa nu aheng. Soca nyi putri nu cureuleuk, sorotna lir inten tinggurilap  nembus kolbu, neumbag  rasa, ngendagkeun rasa guligah manah  Sang Prabu, sadar ku anjeun pok bae Sang Prabu naros nyi putri tapi teu kebat kabujeng aya nu nyalukan hawar-hawar.

  Pinisepuh karajaan Majapait reuwaseun pok nyarita bari rada asa-asa :’ Ngger Sinuwun, ku naon bobor karahayuan salira bet kapidara, geura uningakeun ka sadaya abdi-abdi, gambar naon anu katingal ku salira teh?”

Prabu Hayam Wuruk ngarenjag, sawanganana ka tanah Pasundan kagareuwahkeun  sapadaharita,  bari  ngelemes semu isin anjeunna sasauran : “Ah, sanes nanaon ieu mah Eyang.” Ngan sakitu ngawalonna eta Sang Raja teh, lantaran teu kaampeuh geter rasa nu aheng tadi nyaliara sakujur awak, mapay urat nu teu parat, neundeun liwung kapigandrung ka nu geulis Nyi Ayu Diah Pitaloka, wanoja tanah Pasundan, ngolebat mumbul na embun-embunan hemeng satungtung deuleu. Aduh Gusti geuning kieu karasana katarik ati kapentang duriat, teu wasa lamun teu laksana, asa moal aya gantina. Kitu nu aya dina galecokna manah Sang Prabu. Nu nyarakseni beuki bingungeun kana polah Sang Prabu, antukna pinisepuh karajaan nu tadi nalek mere bewara, sangkan nu araya di dinya mulang ka satempatna-satempatna. tuluy eta sesepuh karajaan teh nyampeurkeun sarta miwarang ka Raja Hayam Wuruk kedah ka pajuaran, ngarasa hariwang bisi raja anom   katiwasan sarta ngarasa panasaran gambar naon  nu ditempo ku Sang Prabu teh? Satutas nempo eta gambar, pinisepuh karajaan Majapait surti sarta terus rasa kana naon nu nuju digalih ku asuhanana, nya anjeunna sasauran rada halon malar teu ngabaribinan : “ Ngger, boh bilih bae janten emutan, geura wakca anaking naon nu dikemu ku salira, Eyang moal ngabibisanii, bawiraos Ngger ku anjeun dugi ka kiwari teu acan kagungan prameswari, pami tea mah eta wanoja nu aya dina gambar parantos cop sareng lelembutan salira, tangtos Eyang ngiringan naon nu janten  putusan  Ngger.” Prabu Hayam Wuruk sakedapan ngahuleng teu lila pok sasauran, basana kieu : “ Eyang, geus waktuna kula ayeuna rek wakca naon nu disidem dina hate, sabenerna samemeh nempo  ieu gambar Nyi Putri Pasundan, kula geus neundeun hate ka ieu nyi mojang  sanajan  can  papanggih jeung dirina,  miharep sangkan  rido dipibojo malar rek didama-dama piajangeun ngarundaykeun turunan Majapait, kula banget hayang geura panggih ngan kudu kumaha carana, Eyang? Muga dina hiji mangsa  kula jeung nyi putri  baris tepung lawung, mageuhkeun jangji pasini.

“Ngger, ieu mah manawi bahan katampi, saur  pamendak Eyang mah ulah dilami-lami, Ngger enggal geura ngintun utusan kanggo nangtoskeun tali wiwitan dua karajaan agung ,ngalangkungan dahupna Salira sinareng Enden Putri,  putraIng Pangersa Sinuwun Prabu Lingga Buana kembang Kadaton Surawisesa”. Harita pinisepuh Majapait masihan pamadeganana.              

                                                              Jatinagara GALUH, April 2010

                                                              Written by nimasgaluh

                                                       

                                                     

ARGUMENTASI PENULISAN SUATU KEJADIAN

Menuliskan sesuatu yang bertalian dengan satu kejadian, pasti sumbernya adalah fakta kejadian yang bersangkutan, namun tentu dalam proses perjalannnya terpengaruh oleh kondisi-kondisi yang dapat mewarnai inti dari kejadian tersebut. Hal ini,  salah satu tujuannnya adalah mempertimbangkan efek sivil yang ditimbulkannya.

Tulisan demikian bila ditelusuri kebenarannya harus didasarkan kepada bukti-bukti yang dapat dipertanggungjawabkan tingkat keakuratannya, apalagi suatu tulisan yang diadumaniskan dengan daya imajinatif. Tentu  nuansa tulisan tersebut akan  berbeda dengan tulisan hasil penelitian terhadap suatu kajian yang bersifat keilmiahan.

Bebagai factor dan di antaranya yang dominan mempengaruhi terhadap penulisan dari satu kejadian  adalah bila tulisan tersebut dihubungkan dengan phenomena kondisi politik yang menyertainya, didukung pula oleh tujuan dari penulisan tersebut untuk mengaburkan bahkan menghilangkan atau menghapuskan jejak. Tulisan bersangkutan  tentu akan mengundang berbagai versi untuk kajian generasi berikutnya yang ujung-ujungnya melahirkan kontroversi tak berkesudahan,  bak kelindan yang berputar terus-menerus tiada ujung, menjauhkan kesimpulan yang ajeg.

Celakanya  kalau suatu tulisan  itu  miskin dari bukti-bukti yang memang sengaja dihilangkan, sekalipun  ada tidak menutup kemungkinan dibuat rekayasa. Oleh karena itu,  benar pendapat yang mengatakan,   bahwa kebenaran  hakiki dari suatu kejadian adalah yang dimiliki oleh pelaku kejadian  itu sendiri,  dengan Tuhan Yang Maha Tahu dan Benar.

Alhasil seperti cerita kejadian “Perang Bubat”, sebagian pihak mengatakan begini…, sebagian pihak mengatakan  begitu…, bahkan ada sebagian pihak yang mengatakan kejadian Perang Bubat itu sama sekali tidak  pernah terjadi. Semua pihak memiliki argumen dan kajian masing-masing. Sangat logis dan manusiawi karena semua dari kita tentu mempunyai kepentingan dan egonya sendiri-sendiri.

Yang luput dari pengamatan bahwa setiap manusia mempunyai satu titik keutuhan dalam jiwanya yaitu “ TITIK KEBENARAN” , maka dari itu , dari sejarah harus menjadi  tarikan benang dalam suatu lingkaran kearifan yang merangkul toleransi nilai-nilai kehidupan kebersamaan yang tidak menimbulkan  konflik.

     Menyikapi terhadap suatu kejadian atau peristiwa yang ditulis dengan penuh rekayasa, tentu memerlukan kehati-hatian tingkat tinggi agar dapat mengurai benang akar permasalahan tersebut. Mengapa hal tersebut menjadi demikian kenyataannya ? Sudah pasti kita tidak mau terjebak dari konflik permasalahan yang terkondisikan itu. Supaya kita berada di tempat  netral sesuai dengan kondisi kenyataan yang berlangsung, sedikitpun tidak berpihak kepada salah satu pihak yang terlibat dalam konflik tersebut mengharuskan bertindak “lantip pikiran, wening ati”’

Permasalahan yang diurai, tentu harus mencari data-data pendukung terhadap lahirnya sebuah rekayasa, termasuk pengaruh-pengaruh yang mempengaruhi yang membiaskan kondisi-kondisi tertentu demi menjaga sebuah pencitraan. Tidak menutup kemungkinan rekayasa dibangun dengan berbagai tujuan yang mendasarinya, di antaranya adalah sebagai berikut :

1.    Untuk menghilangkan jejak.

2.    Untuk kepentingan politik masing-masing pihak.

3.    Untuk mempertimbangkan evek sivil yang ditimbulkannya, bilamana suatu kejadian ditulis dengan sebenar-benarnya.

4.    Untuk mengklaim suatu pembenaran, hal ini tak lepas dari ego dan ambisi.

5.    Untuk mempengaruhi pihak lain  dari pihak di luar pihak yang terlibat dalam rangka mencari dukungan.

6.    Untuk menutupi kesalahan, mengapa hal tersebut terjadi.

7.    Untuk mencari popularitas.

8.    Untuk mempertahankan diri.

9.    Untuk menunjukkan super power.

Kita sebagai generasi yang diwarisi  suatu peristiwa tersebut,  tentu harus memiliki inisiasi tajam, bilamana ingin menegakkan kejujuran  dari sebuah peristiwa dan menghilangkan apriori-apriori yang bersifat subyektif. Kita menyadari bahwa manusia fitrahnya adalah mahluk yang tidak selamanya benar dan tidak selamanya salah. Maka terlalu naïf bila kita langsung tergesa-gesa menjudmen sesuatu yang belum tahu latar belakang terhadap kondisi yang mengkondisikan kepada peristiwa yang telah terjadi. Alih-alih bertujuan ingin menyampaikan kebenaran tapi tak menyadari bahwa dari kita terjebak dalam pusaran konflik yang berpihak.

Seringkali penulisan dari suatu kejadian tak lepas dari politik yang mengiringinya. Mengapa demikian ? Salah satu alasan  dari kejadian tersebut akan memberikan pengaruh psikologis terhadap masyarakat yang menjamaninya sampai pula kepada generasi berikutnya. Maka tak heran kalau di kemudian hari akan timbul kontroversi, karena kebenaran dari tulisan itu dipertaruhkan, seperti kejadian yang menjadi sentimen kesukuan antara Sunda dan Jawa yaitu peristiwa PERANG BUBAT. Perlu digarisbawahi  di sini,  akan disebut SKANDAL BUBAT, karena kalau  merujuk kepada sebutan Perang adalah tidak tepat, ,hal ini didasarkan kepada kondisi-kondisi yang mengkondisikan timbulnya kejadian tersebut bukanlah kondisi-kondisi sebagaimana layaknya Perang antar pihak yang bertikai. Jadi peristiwa tersebut sebut saja SKANDAL BUBAT.

Adanya penulisan peristiwa tersebut yang ditulis dalam KIDUNG SUNDA, bukan tidak mustahil bahwa penulisannya itu tak lepas dari unsur rekayasa, apalagi mengingat tidak dicantumkannya tahun penulisan peristiwa tersebut. Dan tidak menutup kemungkinan penulisan tersebut   sebagai bentuk pencitraan atas keteledoran, kenapa peristiwa tersebut sampai terjadi dan untuk menjaga wibawa politik yang sedang dibangun, tentu saja hal ini adalah pihak Majapahit karena yang menyuruh menuliskan peristiwa tersebut tak lain adalah Majapahit sendiri,  selain itu juga untuk meracuni kebencian di  pihak  yang tersakiti atas keteledoran yang terjadi.

Alhasil sampai sekarang walaupun peristiwa tersebut sudah ratusan tahun yang lalu, tetapi sentimen kesukuan masih terasa hingga saat ini, perlu adanya pelurusan sejarah yang tidak memihak siapa pun, baik pihak yang telah membuat keteledoran maupun pihak yang tersakiti atas keteledoran tersebut.

Seperti telah dikaji oleh beberapa pengkaji yang bergiat dalam  mengkaji penulisan peristiwa SKANDAL BUBAT, adalah adanya kejanggalan penceritaan bahwa semua orang yang ada dalam rombongan Kerajaan Sunda Galuh termasuk rajanya yaitu Prabu Linggabuana  gugur,  bahkan putrinya melakukan bunuh diri. Bila dikaji secara mendalam atas penceritaan tersebut adanya unsur mendiskreditkan atau menghina pihak Sunda, mengapa karena didasarkan argumentasi pertama bahwa prilaku bunuh diri adalah bukan merupakan prilaku yang termasuk baik menurut nilai-nilai ajaran yang berlaku pada saat itu, bahkan sampai sekarang mengenai bunuh diri adalah merupakan hal yang melanggar aturan dan norma. Argumentasi kedua dengan dikabarkannya  penceritaan tersebut adalah   menutupi kesalahan pihak yang membuat keteledoran menjadi  terlindung di balik penceritaan tersebut.  

PUSAKA KAGALUHAN

PUSAKA   KAGALUHAN

(Dina Basa Sunda kiwari)

By nimasgaluh

Tina cai urang diajar katengtreman

Tina batu urang diajar kategeran

Tina taneuh urang diajar kahirupan

Tina kukupu urang diajar ngarobah diri

Tina pare urang diajar handap asor

Ti  nu Maha Agung(Alloh) urang diajar ngeunaan katresna nu sampurna

Nempo ka luhur sangkan meunang sumanget                                          

Nempo ka handap sangkan syukuran kana naon nu aya

Nempo ka gigir ngawujudkeun hirup sauyunan

Nempo ka hareup pikeun leuwih hade

Nempo ka tukang jadi eunteung kahirupan

Nempo ka jero pikeun neuleuman diri sorangan

Ulah indit mun keur hayang

Ulah dahar mun keur lapar

Jauhan pasipatan jukut riut                                                                           

Dipahing hirup lir mangandeuh

Gumelar di marcapada kudu silih nuturusan

Cokot kajujuran buah manggu

Dipatri ku cikaracak ninggang batu laun-laun jadi legok

                                                  (nimasgaluh)