Sanajan totonden haben mere tangara
Da puguh disered kala mangsa nu diteundeun
Ngalaipkeun diri na ajeg-ajeg kalantipan
Ngararad urat-urat panyangkeh deudeuh
Katambias puradan teu munasabah kalangsu
puruluk hasud
Ngaleungitkeun ipukan mangsa tepang munggaran
Hariring asih na gending ukur ngengklokan
pangbebenjo budak
Keur maripih nu mipir ku sihir nyiliwuri
Angkeub satungkebing lalakon kaheman
Nyesakeun gurat kapeurih
Menekung ku tulak tenung tina kahayang
marojengjana hawa
Nu ditiupkeun ngaliwatan pamikat rereged dunya
Katalimbeng na reka ucap mamanis basa mawa
hemeng
(ku nimasgaluh, 28/6/2013)