Samar na runtuyan galindeng asih tresna salira
Horeng saukur parepeh mepende hate
Mipindingan kagiung nu ngaberung
Deudeuh diri … gening kacingcirihi
Nyubadanan kahayang naratas kabagjaan dipangloh
Rasa mokaha nu ngagedur angkara murka
Tina panalikung buhul-buhul nyiliwuri
Ngaleungitkeun asih na asihna
Sajatining asih nu disungsi di taman jaladri
kaheman kapegat pepedut
Kahemeng nu nyangkaruk ditongtak na kulah
tenung
Nu ditiupkeun ti waktu ka waktu
Nyieuhkeun pikir nu lantis ku hipnotis diri
Nulak sukma dina cidra jangji pasini bihari
Anjeun geus ngotretkeun mangsi hideung
Na catetan nu ngaruntuy ku gurat raheut
(ku nimasgaluh, Juni 2013)
Tidak ada komentar:
Posting Komentar