KINASIH
PITALOKA
Seja
ngalanglang ngarunday na tepang sasih
Nyubadanan
sarwa keteg asih meulit ka tatar Galuh
Nyawang
kalangenan alam kaputren
Nu
pinuh ku liuh asuhan rama sinareng ambu
Ratu
sawer rahayu nu disungsi sangkan jadi jatidiri
Pinuh
ku kaluhungan soca kadaton
Rumampa
ngusapan dada pikeun sumujud kana pituah sepuh
Ulah
ngejat tina kinasih usap deudeuh ti rahayat sakabeh
Malah
mandar hirup rumujung ka Yang Agung
Nyanghunjar
mapay paneuteup
Eunteup
neuteup seureuh
Neangan
terah pikeun ngajadikeun surti na hirup ngalalana di alam
Ngaca
na kuku dua indung suku
Ngingetan
ka mana lengkah nu geus disorang
Rumanggah
hate nu bungah
Sugan
teh rek mawa kanugrahaan
Ibarat
gambaran na lukisan jembar mawa karahayuan
Seja
andung pangangkir ka salira raja diraja di palih wetan
Ana
anjog kana hiji patempatan kawas kembang nu ditekrok
Nyeuitan
lir diturih ku hinis, peurih kana jatining diri, gudawang kana rasa nu rongkah
Tepung
gelut galungan ngabela ajen diri teu sudi dilicikkan
Na
renghap bari emok andeprok
Nu
dipalar ngaleungitkeun kapait
Kajadian
di Majapait sangkan ulah kaalaman
Ku
sing saha bae miharep balarea meunang kabagjaan
(ku nimasgaluh, dina NYIAR LUMAR Astana Gede
Kawali Galuh, 7 Juli 2012)
Kawali Galuh, 7 Juli 2012)
Tidak ada komentar:
Posting Komentar