Peuting kamari urang gogonjakan teh
Peuting kamari urang guntreng ngotretkeun heman
jeung deudeuh
Peuting kamari bentang ngagarenclang luhureun
urang
Bari rintih ngageberan ku hariring asih jemplang
karang
Mangsa nyacapkeun katresna na reret nu neumbag
kana dada
Awor rasa nyangkaruk ka sakuliah raga
Tapi peuting ieu nu aya ngan ukur gundam kuring
Jeung antara lolongkrang panyawang
Aya nu teleb nanceb na kalbu
Sumarambah na rasa mapay raratan mangsa baheula
Na tepung munggaran …
Geuning Anjeun ngaharewos ku sora ermawar
Mawa dalingding asih ka awun-awun
Teu aya deui cenah malati kuring
Nu bakal ngahibaran hate kahirupan
Anjeun geus ngotretkeun nu moal bisa dipupus
tur kapupus
Ngan sakolepat impenan teh
(nimasgaluh, maret 2013)
Tidak ada komentar:
Posting Komentar