NU NYESA NA TATAPAKAN
Mimiti ngabaladah
lahan eurih jeung musa
Na tresna janggelek
taman kameumeut
Tali paranti ngungkab
rasa nalikeun asih
Tina impian nu
ngajegir pikeun naratas kabagjaan
Sagalana geus
ditamplokkeun tepi ka langit pingpitu
Teuing, teuing ti mana
jolna …
Angin dordar gelap …
Muriding .. pakupis
nahan kateuhak
Hate ngalenyap
nyasaran pitapak bisi aya nu kalangsu
Jeroning ati
kumalayang neangan panyangkeh
Caah cilantang
mengparkeun nu karurud
Renghap nu nyesa
Rumanggieung na
iuh-iuh daun nu ngari
Ngabigeu nepak jiwa
Mareuman heab ku
handaruan sima
Hate galecok neangan
parepeh
Sugan kadongkang na
ati nu kajangjawing
Sangeus reureuh tina
dengkleungna tembang kaleon
(ku nimasgaluh, Maret
2013)
Tidak ada komentar:
Posting Komentar